5/26/08

***БҮҮ АСУУ***

Би юу ч мэдэхгүй үнэн шүү
Би хэмээх өөрийгөө ч мэдэхгүй
Нэр устай нэгэн сүнс би
Нам гүмхэн байж бас чадахгүй

Дуу ч үгүй
Дурлал ч үгүй байж чадахгүй
Зөрөн өнгөрөх цаг хугацаанд
Зүгээр бас байж чадахгүй

Хайрын жүжигт харцаараа тоголоод
Хайрлахын зовлонд биеээрээ унаад
Тачаалын мананд өөрийгөө мартаад
Тавилангийн торонд чоно шиг амьдарсаар

Мэдэхгүйн зовлонд ташуур өгчихөөд
Мэдрэхүйн шаналалд элэгдсээр
Хүсэл мөрөөдөл хоёроо
Хүнийх юм шиг харсаар

Яагаад гэж энэ хорвоод ирсэнээ
Явдал зовлон үүсгэж
Яах гэж амьдардагаа
Ял шийтгэл мэт өөрөөсөө асуусаар

Би юу ч мэдэхгүй хүмүүсээ
Надаас бүү асуу
нилээн дээр бичиж байсан шүлэг саяхан олдоод орууллаа

5/20/08

~~~~ХУНГИЙН НАР~~~~

Дуу,уянга,шүлэг шиг хос хун
Дурлал хайр,хүсэл шиг далалсаар нисэн өнгөрлөө
Надруу нэгэн уянга,нэгэн мөр шүлэг унагачихаад
Наран шингэх зүг,нарыг авчрахаар нисэн одлоо

Өө ямар сайхан хорвоо бэ
Өнгөрөх шувууд нь уянга өгөөд
Би ямар азтай бэ
Бие сэтгэлээрээ уянга шүлэг болоод

Хайрын шүлгэнд дулаацаж хоноод
Хунгийн авчрах нарыг угтая
Хүн,хун,нар,хайр нэгэн цогц болоход
Хүсэл ,уянга, дуу,шүлэг цацрах шигээ

2007-11-03

5/15/08

~~~~ЭЭЖ~~~~~

Салхи халхалж нөмөртөө суулгасан
Сайхан ээжтэй байж дээ би
Санчигныхан үс бууралтаагүй
Залуухан ээжтэй байждээ би

Сүү асгарсан энгэрт тань ишиг шиг ноцож
Сүүдэрт өртөлгүй өсөж дээ би
Газрын чулууг замаас минь зайлуулсан
Гараасаа хөтөлсөн бурхан байж дээ ээж минь

Өвлийн хүйтэнд өндийн босож
Үрээ хараад сэтгэл нь сэтгэл нь тайвширсан
Өөрийгөө хайлуулж хүүрүүгээ урссан
Үнэн хайрын бурхан ээж минь

Муу юм сонсохоор үрээ тэвэрч
Миний хүүгээс минь хол байг гэж
Сайн сайхныг үрдээ хүсээд
Сарны доор санааширч суусан байх

Тиймээ би сайхан ээжтэй байсан
Санаа сэтгэл,биеээрээ сүү болсон
Сайхан ээжийн хайранд өссөн учраас
Санчигнаасаа эхлэн сүү болно урсанаа би

2007-08-11

5/11/08

~~~НЭХЭЛ~~~

Чиний тухай бодол тэнгэрийн сар мэт уяатай
Чиний тухай дурсамж тэнгэрийн сар мэт уйтгартай
Цөн түрэх мэт сэтгэлийг минь үе үе хөдөлгөж
Цөхрөлийн дуугаа дуулсан сар шиг ганцаар хөвөх мэтээ

Холоос ирэх аялгуу
Хойтон хаврыг авчрах шиг болоход
Хөтөлгөө морьтой гараад
Холын дурсамжруугаа давхимаараа

Сайхан байждээ залуу байж
Салхинд задарсан үс чинь тэнгэрийн туг шиг
Сайхан чамайгаа саранд өгчихсөн мэт
Санаашран суух нь миний л сэтгэлийн нэхэлээ

2007-12-08

5/7/08

`````ЭЗЭН``````

Өчигдөрөөс өнөөдөр лүү
Өнөөдрөөс маргааш руу
Өглөөнөөс орой руу
Өдөр шөнө,өглөө орой

Цаг хугацаа намайг зөөж байна уу
Цаг хугацааг би зөөж байна уу
Санаа алдахад хором өнгөрч
Салхинд туугдах шиг цаг хугацаа

Цаг хугацаа чи хэзээ эхэлсэн юм бэ
Цагираг тойрог замаар явдаг уу
Од эрхэс,бүхнийг захирсаар
Орчлонд чи эзэн нь юмуу

Сэтгэл минь зог тусан эргэж одохуйд
Цаг хугацаа чи зогсоож үл чадна
Цахилан дүүлж харван одоход
Цаг хугацаа чи харан хоцроно

Нар сарыг чи захирдагч
Намайг сэтгэлийг минь чи аргадан байдаг
Чиний хүчинд бие минь элэгдэвч
Чамайг би эхэлүүлж,би төгсгөдөг

Би цаг хугацааны эзэн нь

5/2/08

~~~ЗАМД ОРОХУЙ~~~



```````````Төгс Гэгээрсэн Их Багш ЧИН ХАЙ```````````

Бид бага наснаасаа эхэлүүлээд ямар нэг байдлаар урд хойд нас,сүнс бас бурхан ,чөтгөр гэх мэт үгсийг сонсож ирсэн.Эдгээрийн тухай их биш ч гэсэн тодорхой хэмжээгээр ярилцаж өөрсдийн дуулсан сонссоноо бие биендээ ярьсаар иржээ.
Сүнс гэж байдагийг шинжлэх ухаан зөвшөөрчихлөө.Тэгэхээр тэр сүнс хаанаас ирсэн хаана байдаг,ямар үүрэгтэй,бүтэц ,зохион байгуулалт,хаашаа явдаг,яаж ирдэг гэх мэт асуултууд зүй ёсоор гарч ирж байна.Эдгээр асуултанд болон дээрхи урд хойд нас, төрөл ,дахин төрөх ,бурхан гэж хэн болох,чөтгөр ер нь яадаг тухай.Үүнд шинжлэх ухаан хариулж чадах уу.Бидний урдаа барьдаг итгэж үнэмшиж байдаг шинжлэх ухаан нь физик ертөнцийн түмэн бодисийн хоорондын үйлчилэл, бодисийн физик чанар зэргийг судалж мэдэхээс биш ертөнцийн жинхэнэ мөн чанарыг ойлгож судалж чадахгүй юм.
Бид энэ ертөнцөд идэж уух гэж,эсвэл их баян,мөнгөтэй болох гэж бас их эрх мэдэл, албан тушаалтай болох гэж ирээгүй юм.
Дэнгийн эрвээхий галд татагддаг шиг бид энэ ертөнцийн элдэв материаллаг ба элдэв хоосон зүйлд татагдан өөрийн мөн чанар зорилгоо мартсан байна.Бид энэ хорвоод шалдан ирсэн,буцаад шалдан буцна.Энэ материаллаг ертөнцийн нэгээхэн зүйл,ширхэг тоосыг ч бид авч явж чадахгүй.
Бид гэж хэн болох ертөнц гэж чухам юу болох тухай шинжлэх ухааны үүднээс таниж мэдэж гүйцэхгүй юм.
Тэгэхээр бид ертөнцийг болон өөрсдийгөө яаж таньж мэдэх вэ? Мэдээж бид хэцүү зовох үедээ бурханыг санадаг.Бурханыг олон нэрээр нэрлэдэгч үнэн чанартаа нэг л байдаг.Мөн Бурхан буюу үнэнд хүрэх олон зам байдаг.Энэ нь үнэндээ олон янзын бясалгал юм.Үүнээс хамгийн дөт,бас хурдан нь арьяавалын бясалгал юм.Та ямарч шашин шүтлэгтэй байх нь хамаагүй.бас элдэв номлол байхгүй энэ бясалгалаар хичээллэх нь хялбар юм.
Төгс Гэгээрсэн Их багш Чин Хай гэгээрэлд хүргэх арьяавалын номыг (бясалгалыг)дэлхийн олон оронд тайлж олон арван шавьтай болж үнэн ёсыг танин мэдүүлж байна.Хэрэв та энэ тухай мэдэе гэвэл
buleen88@yahoo.com.au
гэсэн хаягаар харилцана уу