2/15/08

***ҮДЭЛТ***

Намуухан аялгуу намайг хуурсан
Намрын зэвэргэн гунигийг
Нар үзээгүй мөсөнд нуугаад
Насан залуу зүрхний ховдолруу шидсэн

Одоо оройтсон
Оргилсон залуу нас буцсан
Мөнгөн аяганд мэлтэлзэх
Миний гуниганд сар хөвсөн

Сарны хүйтэн гэрэл сэтгэлийн мөсөнд ойход
Сүнсний нулимас галт оч болон дүүлнэ
Сүүлчийн удаа би өөрөө шатаад
Сүүдрээ хураасаар үднэ

No comments: