~~~ЗОЧИН~~~~

Хов хоосонд нэг л их хүч
Хоногийн амьдралаас үе үе салгана
Зөн билэгийг минь чичээд
Зөндөө удлаа тэр гэгээ

Холоос харваж ирчихээд
Хоромын төдий зочлохдоо
Гэм хийсэн мэт сэтгэлийг минь хөндчихөөд
Гэрэл унтрах мэт алга болдогоо

Ахиад л чи ирнэ
Аврал мэт ирнэ
Зовлонгийн амьтан намайг
Зовлон дунд нь шатаана

Нулимас гардаг нүдээр түүнийг олж харахгүй ч
Нуур шиг цалгидаг сэтгэлээрээ мэдэрнэ
Гэгээ харсан сэтгэл минь
Гэнэтийн зочныг битүүхэн хүлээдэгээ


2007 он