Эртний сүмийн хонх хаа нэгтээ дуугарах шиг
Эрх залуу цагийн дурлал хаа нэгтээгээс даллах шиг
Гашуун шаргал бороо сэтгэл норгон шиврэх шиг
Газрын энгэрт сэтгэлээ булчихаад ганц цэцэг шидмээрч юм шиг...

~~~~~Нэргүй хэдэн мөрүүд~~~~~

Харцнаас чинь нэг юм амилаад
Надруу ирж явна
Бурхан минь...
Бурхан унтаж байгаа бололтой

****************************

Шувууд нисэхэд
Салхи сэрдэгийг мэдэрсэн тэр өглөө
Бороо орж байсан
Би зүг буруулж ганцаараа явсан

~~~Үгүй дээ... нэр өгч чадахгүй нь~~~

Зовлон дунд инээж чадсан тэр бүсгүйг
Зохисгүй аялгуун дундах гэгээн өнгийг мэдэрч чадсан тэр бүсгүйг
Зовхи нойтон нулимстай инээмсэглэж байсан гайхамшигт агшинг
Зүгээр л харуулсандаа, мэдэрүүлсэндээ амьдрал чи агуу юмдаа

*******************

Орчлонгийн нар залгисан юм шиг
Ориглох халуун сэтгэл
Хазаар булаан зүтгэх морь мэт
Хаашаа юунд тэмүүлнэ бэ

***********************

Амь тасалж
Амандаа хүүр чихсэн
Эргэн тойрон араатнууд
Энэ ямар аймаар ертөнц вэ?

************************

Хажууд минь хэнч байхгүй атал
Халуун дулаан хайр ирж тэврэх шиг
Энэ лав ээж байх...
Ээжээс минь өөр хэн...?

Эргэн тойронд хэнч байхгүй
Ээж бид хоёр....

**********************************

Уйлж уйлж суугаад инээд алдан өндийж
Уйтгар гуниг зовлонгоо сэгсэрэн
Унаж тусан гүйсээр
Ээжийдээ очиж үнсүүлэх сэн

Танаж танаж өгсөн зовлонт амьдралын хөрсөнөөс
Таныхаа энгэрт тэвэрүүлж нэг тасарахсан

Зэрэглээт өдрүүдийн нэгэнд
Зүүгдэж ирсэн тэр хайр
Хэлбэр дүрсгүй сэтгэлрүү минь урссан
Харзны хүйтэн ус байж дээ

****Сэтгэлээс унах бодлууд***

Маргааш гэж юу билээ?

Мандах улаан нар юм уу?
Мананд нуугдсан зовлон юм уу?
Битүү боодолтой илгээмж юм уу
Би л задлах ёстой юм уу?

Маргааш гэж....

Урдын хийсэн үйл,үргэлжилэл
Учрал,уучлал,гомдол,сонголт
Өчигдөрийн алдаа,оноо
Өнөөдрийн үлдээсэн хоол

*****************************

Өчигдөр түүнийг үхэл аваад явсан
Өнөөдөр тэр төрөх газар өлгийтэй унтаж байна
Энэ амьдрал чинь зүүд шүү дээ хүмүүсээ
Эртхэн сэрэлдээ нойрноосоо

***Ухаарал солиорол хоёр***

Ухаарал солиорол хоёр
Улс амьтанаас дөлөн
Худагт унасан сарыг гайхан харна

*****Өөр утга.......******

Өрх битүү хорвоод үхэл гэрэл болж ирэхэд
Өнгөрөх цаг хугацаан дээгүүр хамтдаа алхана
Өнгөт зүүд шиг амьдралаас сэрж
Өөр утга байгааг ухаархад үхэл үхнэ

***** Зүүгдэмээр......*****

Борооны ус намайг угаасаар
Борог өвсний дээр дуслахад
Бодрол гэмшил зэрэг ирж
Би тэнгэрээс зүүгдэмээр......

**********************************

Тэнгэрийн гуниг мэт бороо асгархад
Тэнд хайр үлдсэн байх гэсэн бодол ургана

******************************

Шүлэг бороонд нороод чичирхэд
Чиний үнэр хаанаас ч юм ирнэ
Чамайг би явчихсан гэж бодож байсийм

****************************
Үнэндээ юу ч байхгүй
Үхэл ч гэж байхгүй
Үг ч хэл ч гэж байхгүй
Үргэлжилэх цаг ч гэж байхгүй

Нүгэл ч гэж байхгүй
Нүцгэн гуниг ч байхгүй
Чи би ч гэж байхгүй
Чиг зүг ч гэж байхгүй

Бүүр юу ч байхгүйд
Байгаа бүхэн хоосон

******************************

Нарны элч шингээсэн навч унахдаа
Hамайг cүүлчийн амьсгалаараа дулаацуулав
Өр нэхээсгүй хайр ийм л байдаг юм байна даа

*************************

Өнөөдрийн зовлонг үүрч
Маргаашийн ухааралд зүүгдсээр
Манан дунд алхах түүнийг би таньсангүй
Би өөрийгөө танилгүй явуулчихаж
Эргэн учрах агшинг хүлээхээс....

*****Зураглал*****

Намрын өглөө,анхны цас
Норсон бээлий,даарсан гар
Усны тэрэг,дөчийн бидон
Цагаахан инээд,цасан өвгөн.
.....хүүхэд нас минь....

**************

Битүүлэг ертөнцийн долгиос
Бийрийн үзүүрээр цацагдахад
Биеэс сэтгэл гадагшилж
Би тэнд ч бас энд ч оршино

***************************

Бусдын яриа надруу чиглэн чичихэд
Бөөн уур хилэн сэтгэлд минь орж ирлээ
Би ямар хогийн сав юмуу
Буцаагаад гаргаад хаячихая ! энэ уур хилэнг
*************************************

*****Дутуу хайрласан.......... *****

Нарны гэрэл цуулж сүүдэр амилуулж амьдрaхдаа
Нас нэмж санчигандаа гэгээ цуглуулж өтлөхдөө
Дуугүйхэн дуссан нулимасaa шүлэг болгон амилуулж
Дутуу хайрласан бүхнийхээ өмнө уучилал эрэн сөгднөм би

****

Эртний сүмийн хонх хаа нэгтээ дуугарах шиг
Эрх залуу цагийн дурлал хаа нэгтээгээс даллах шиг
Гашуун шаргал бороо сэтгэл норгон шиврэх шиг
Газрын энгэрт сэтгэлээ булчихаад ганц цэцэг шидмээрч юм шиг...

~~~Цаг хугацаа~~~

Нэг жил
Нэг сар
Нэг өдөр
Нэг цаг
Нэг минут
Нэг хором
Хором бүр үхэл рүү зөөнө
Хойтон жилийн наадам ч хол юмдаа

**************************************

Үлгэрийн дагина
Үхэлийн эрлэг зэрэг ирэх шиг хоромд
Үнэндээ амжиж нэг мөр л бичих одоо цаг

***********************

Шүлэгчийн шүлэгийг сонсож
Шүүдэр хураасан өвс нэгэн билээ би
Шунал тачаал ихэдсэн энэ хорвоод
Шулуун явж чадаагүй нэгэн билээ би