6/30/08

***********************

Шүлэгчийн шүлэгийг сонсож
Шүүдэр хураасан өвс нэгэн билээ би
Шунал тачаал ихэдсэн энэ хорвоод
Шулуун явж чадаагүй нэгэн билээ би

********************

Сэм сэмхэн уйтгар төрөөд яасан хэцүү өдөр бэ
Сэрүүхэн унтаж чамайг зүүдлээд ямар хэцүү сэтгэл бэ
Орж байгаа бороо нь зогсдог ч болоосой
Орчлонгийн нэгээхэн зайд чи бид хоёр уулздаг ч болоосой

********************

Бурханд дуудуулах буян хийгээгүй ч би үхнэ
Бусдад гай болж эрлэг дуудаагүй ч би үхнэ
Буцааж эргүүлж болохгүй он цагийн эрхээр би үхнэ
Буруу биш зөв сэтгэлтэй явсиймаа би тайван үхнэ

~~~~~МОД~~~~~

Модны доор зогсохуй
Мөчир нь сэтгэл рүү унжаад
Үргэлжилэлийн золиос навч нь
Үнэндээ над шиг хувь тавилантай

Холтос нь түүх хүүрнэх шиг
Холоос ирсэн аянчин шиг
Он цагийг туулсан мод
Орших эс оршихийн заагт ургасан мод

Нөмөрт тань хэсэг зогсоё
Нөмгөн сэтгэлээ дулаацуулая
Аянгыг өөр дээрээ дуудаж
Амьдралын хүндийг үүрсэнд тань мэхийе

~~~ДЭЛХИЙ~~~~

Дуу алдам хязгааргүйд
Дусал нулимас шиг дэлхий
Үхэл төөрөм харанхуйд
Үнэнээс зугатан харвах шиг

*** ЭЭЖ***

Хайраар даллах замын эхэнд ганц шувуу суух нь
ЭЭЖ минь л байхдаа

~~~ЭРДЭНЭ~~~

Надад нэг л эрдэнэ бий
Насныхаа зовлонг цуглуулж үрийг нь олж авсан
Найраг шүлэг,ухаарлаар усалж ургуулсан
Намар хавар цагийн урсгалд үл автах
Навчисаа дэлгэсэн нэгэн мод бий
Намхан ч гэсэн миний л мод
Нарийнхан ч гэсэн модны минь мөчирөө

6/28/08

******

Урд өмнө харж байлуу би энэ улаан нарыг өнөөдрийнх шиг
өнөө өглөөнийх шиг
Ухаан бодол минь саруул байж уу өнөөдрийнх шиг
өнөө өглөөнийх шиг
Уучлал ухаарал гэдгийг мэдэрч байл уу би өнөөдрийнх шиг
өнөө өглөөнийх шиг
Утга уяангын хорвоод ухаарч амьдрах болов уу өнөөдрийнх шиг
өнөө өглөөнийх шиг

6/7/08

*****ЭРЭЛ*****

Мэдэхгүй танигдахгүйн дунд
Мэдэрхүй зөн хоёртоо найдаад
Орхиод явсан бурханы эрэлд
Он цагийн эрхшээл дор явнаа би

Өөрөөсөө намайг олоорой гэж хэлчихээд
Өргөстэй хорвоод орхиод явахад нь
Өнчин хүүхэд шиг уйлж суухдаа
Өнгийн солонгонд хууртаж нулимасаа арчсан

Мэдэхгүйн,мэдрэхийн зовлонгийн
Мянган учигт орооцолдож
Бурхан чиний сураг
Будант холд оджээ

Хиргүй ариун сэтгэл хиртээд
Хэлгий заяа тэгширэхгүйнээ
Нэгэн биений минь хүч,оюун
Нэхэж чамайг гүйцэхгүйнээ

Үйл үйлийн зангилааг тайлах
Үзүүр учигийг өөрөөсөө хайсаар
Үнэний тайлал бурханыг олох нь
Өөрийхөө олохтой адил бишүү

2007-11-22 Soeul